ჩვენ უკვე ვწერდით სალომეს და ცოტნეს დიდ წარმატებაზე . ჩხოროწყუში კარატის პოპულარობა გერონტი მამფორიას უკავშირდება, რომელსაც 2018 წელს საპატიო ჩხოროწყუელობა მიენიჭა. მისი მოწაფეების უფროსი თაობა მწვრთნელის რანგში საქმიანობენ
![](https://chkhorotsku.ge/wp-content/uploads/2019/09/54361749_1675395619272274_5150128248507596800_n.jpg)
“დო” იაპონურად გზას ნიშნავს.თითოეული ჩვენთაგანი გზას თვითონ ვირჩევთ და ჯანსაღი ცხოვრების წესი, უფროსებისა და თანატოლების პატივისცემა კარატის ნორმაა. ის არა მარტო შეჯიბრებაა, არამედ გონების ყოველდღიური ვარჯიში.
![](https://chkhorotsku.ge/wp-content/uploads/2019/09/69711435_3129027003780898_8540443155567214592_n-1.jpg)
ჩხოროწყუს მუნიციპალიტეტის მერი დათო გოგუა და მერის მოადგილე ვალერი თოდუა წარმატებულ სპორტსმენებს – სალომე ლაშხიას, ცოტნე სორდიას და მწვრთნელ გერონტი მამფორიას შეხვდნენ, მათ სამომავლო გეგმებს გაეცნენ და მიღწეული წარმატება მიულოცეს.
![](https://chkhorotsku.ge/wp-content/uploads/2019/09/70041150_3129026993780899_5610215745234403328_n.jpg)
სალომე ლაშხიამ და ცოტნე სორდიამ 23-25 აგვისტოს ქალაქ რიზეში , შავი და კასპის ზღვის აუზის ქვეყნების 1600 კარატისტთა შორის გამართულ ჩემპიონატში მიიღეს მონაწილეობა. სალომე ლაშხიამ ჩემპიონობა და ოქროს მედალი მოიპოვა, ცოტნე სორდია კი ბრინჯაოს მედლის პრიზიორი გახდა .