ჩხოროწყუში უკვე 26 წელია კარატის ჯგუფები ფუნქციონირებს, რომელთაც ჩხოროწყუს საპატიო მოქალაქე, საქართველოს საუკეთესო მწვრთნელად რამდენჯერმე აღიარებული გერონტი მამფორია ხელმძღვანელობს.

გერონტი მამფორია მეშვიდე დანის მინიჭების დროს

მიუხედავად რთული პირობებისა, ბატონმა გერონტიმ და მისმა შეგირდებმა უკან არ დაიხიეს და ჩხოროწყუს რამდენიმე მსოფლიო ჩემპიონი, საქართველოს ჩემპიონები და პრიზიორები ყავს.

კარატეს ფედერაციის პრეზიდენტის, კახა ბასილიას სტუმრობა და მასტერკლასი ახალგაზრდა სპორტსმენებისთვის უმნიშვნელოვანესი მოვლენაა . სენსეიმ მათ აუხსნა ბრძოლის ტექნიკის ნიუანსები, გამარჯვებისთვის აუცილებელი წინაპირობები, ჯანსაღი კვების სავალდებულო ხასიათი, მედიტაციის როლი კარატეში.

საქართველოში კარატეს ტრადიციები ძალიან დიდია. ცნობილი ფილმის „ლედი კარატეს მოგზაურობის“ არალიცენზირებული ჩვენების შემდეგ ქვეყანაში ნამდვილი ბუმი იყო. სამწუხაროდ ბოლშევიკურმა რეჟიმმა რამდენიმე წლით აკრძალა კარატე,თუმცა ფარულად მაინც არსებობდა წრეები, პოპულარული გახლდათ ფილმები კარატისტთა მონაწილეობით

საქართველოში კარატეს რამდენიმე მიმართულება პოპულარული. შოტოკან კარატე დო გამორჩეულად პოპულარულია. კახა ბასილიას დიდი დამსახურებით კარატე მასობრივი სპორტია . ქართველმა სპორტსმენმა ოლიმპიადაზე საგზურიც კი მოიპოვა , რაც დიდი კონკურენციის პირობებში დიდი შედეგია.

კარატე არა მარტო სპორტია, ისაა სულის და ხორცის ჰარმონიული განვითარების მნიშვნელოვანი საშუალება. ჩხოროწყუში ასზე მეტი მოქმედი კარატისტია , რაც პატარა მუნიციპალიტეტისთვის ურიგო რაოდენობა არაა.

ემოციური იყო გერონტი მამფორიასათვის მეშვიდე დანის მინიჭება. სულ კარატეში 10 დანია. მეშვიდე დიდი დამსახურებისთვის ენიჭებათ და მხოლოდ ერთეულებს აქვთ ეს აღიარება.

ჩხოროწყუელ ახალგაზრდა სპორტსმენებს ცოტნე სორდიას და ბაჩო ჯალაღონიას უმაღლესი ხარისხის, შავი ქამრის ტარების უფლება მიეცათ. ბატონმა კახა ბასილიამ თვითონ ჩაიბარა გამოცდა და საბოლოო გადაწყვეტილება მიიღო.

დასარულს სტუმრებმა და მონაწილეებმა ტორტი დაჭრეს. პანდემიის გამო 25 წლის იუბილე შარშან ვერ გადაიხადეს, ერთი წლის დაგვიანებით სპორტის დღესასწაული მაინც შედგა.

სიახლეს ვიდეოვერსია