რას წარმოადგენს სპელეოტურიზმი და რითაა გამორჩეული ჩხოროწყუ?

ზოგადად სპელეოლოგია მეცნიერებაა, რომელიც კომპლექსურად შეისწავლის მიწისქვეშა სიღრმეებს. თავისი განვითარების მანძილზე ის ჩამოყალიბდა და არსებობს უპირველესად როგორც სამეცნიერო დარგი, თუმცა სპორტისა და დასვენების უნიკალურ შესაძლებლობებსაც უწყობს ხელს.

სპელეოტურიზმი სპორტისა და აქტიური დასვენების ერთგვარი სიმბიოზია. საქართველოს ტერიტორიის 16 პროცენტი კარსტულია – ანუ მოიცავს ისეთ ადგილებს, სადაც ბუნებრივი პირობების გამო ჩნდება ჭები, უფსკრულები, შახტები და ჰორიზონტალური მღვიმეები. ჩხოროწყუ ამ კუთხით განსაკუთრებით საინტერესოა, ვინაიდან მის ტერიტორიაზე უამრავი უნიკალური ობიექტია.

რომან თოლორდავა

ბატონო რომან, გვითხარით – სად მდებარეობს ჩხოროწყუს ძირითადი სპელეოტურისტული ცენტრები და როგორ შეიძლება მათი ნახვა?

კომპანია “ტობა ტრეკინგი” ადგენს როგორც ინდივიდუალურ, ასევე ჯგუფურ მარშრუტებს. ეს დამოკიდებულია იმ მოთხოვნაზე, რაც კონკრეტულ ტურისტს გააჩნია.

ჩხოროწყუ მდიდარია ექსტრემალური ტურისტული მარშრუტებით, რომლებიც უმეტესად გათვლილია სპორტული სპელეოლოგიით დაკავებული ადამიანებისთვის.

ყველას შეუძლია მღვიმეების მონახულება?

მღვიმეების ნაწილი ხელმისაწვდომია ჩვეულებრივი ტურისტებისთვისაც. თუმცა რაც შეეხება უფსკრულებსა და ღრმა მარშრუტებს – იქ განსაკუთრებული მომზადებაა საჭირო.

ბატონო რომან, თქვენ არაერთხელ ხართ ნამყოფი მღვიმეებში. როგორია იქ ყოფნის ემოცია?

მღვიმე დღემდე ბოლომდე ამოუცნობი და შეუსწავლელია… მაგრამ თუ ერთხელ იქ მოხვდები – სიცოცხლის ბოლომდე მისი მსახური რჩები. ეს განუმეორებელი გრძნობაა.

რა არის მიწისქვეშა წყლები?

მიწისქვეშა წყლები იგივე მდინარეებია, ოღონდ დედამიწის ზედაპირიდან ბევრად დაბლა. იქ იარსებებს უნიკალური მიკროკლიმატი, რაც წყალს განსაკუთრებულ თვისებებს ანიჭებს.

თქვენ გამოსცეთ წიგნი სამეგრელოზე – რას გვეტყვით მასზე?

ეს წიგნი მოიცავს სამეგრელოს ყველა მუნიციპალიტეტს. ძალიან ბევრი უნიკალური და შეუმჩნეველი ადგილია შესული – ისეთი, რაც ძალიან ცოტას ექნება ნანახი.

ამ ადგილები პირველქმნილებითა და ხელშეუხებლობით არაფრით ჩამოუვარდება მსოფლიოს ცნობილ ლოკაციებს. ბევრი უცხოელი მწერს, რომ სურთ პირადად ნახონ ყველაფერი. წიგნი იყიდება “ბიბლუსის” ყველა მაღაზიაში.

და ბოლოს – ფოტოხელოვნებაზე…

ფოტოებს უკვე ათ წელზე მეტია ვიღებ. რაც შეეხება გამოფენას – არ ვთვლი საჭიროდ. ჩემი ნამუშევრები აქტიურად ვრცელდება სოციალურ ქსელში და ბევრად უფრო დიდ აუდიტორიამდე მიდის.

იხილეთ მსგავსი სიახლეები: