15 წლის დავით ცქვიტაია საქართველოს ასაკობრივ ნაკრებში მიიწვიეს

დავით ცქვიტაია — ახალგაზრდა ფეხბურთელია, რომელიც პროფესიულ სპორტში უკვე გარკვეულ პროგრესს აჩვენებს.
სპორტსმენი წარმოშობით ჩხოროწყუს მუნიციპალიტეტის სოფელ ნაფიჩხოვოდანაა, სადაც მდებარეობს მისი ისტორიული ოდაბადე — ადგილი, რომელიც განსაზღვრავს მის ფესვებსა და პირველ იდენტობას.

დავითი ამჟამად თამაშობს თბილისის „დინამოს აკადემიაში“-ში — ერთ-ერთ წამყვან ქართულ კლუბში, სადაც მას ეძლევა შესაძლებლობა გააგრძელოს განვითარება და კიდევ უფრო დაიხვეწოს როგორც ტექნიკურად, ისე ტაქტიკურად..
⚽ მისი ენერგიულობა, საფეხბურთო ინტელექტი და შრომისმოყვარეობა ოპტიმისტური მოლოდინის საფუძველს ქმნის.

ცქვიტაია უკვე გამოძახებულია ასაკობრივ ნაკრებში, რაც, ცალსახად, შრომისა და თვითდამკვიდრების შედეგია. აღსანიშნავია, რომ წარმოშობით ჩხოროწყელებიდან ის ერთადერთი არაა, ვინც მსგავს წარმატებას მიაღწია, რაც მუნიციპალიტეტის სპორტულ პოტენციალზეც მეტყველებს.

დავით ცქვიტაია ქართული ფეხბურთის ვარსკვლავის, ხვიჩა კვარაცხელიას ძმის — თორნიკე კვარაცხელიას თანატოლია, და მასთან ერთად ასპარეზობს.

განსაკუთრებული აღნიშვნის ღირსია ისიც, რომ დავითის დედმამიშვილებიც სპორტით არიან გატაცებულნი და თითოეულს აქვს წარმატებული სტარტი საკუთარ მიმართულებაში. უახლოეს მომავალში ჩვენი მკითხველი მათ შესახებაც უფრო ვრცლად შეიტყობს.