პირველი სკოლის მოსწავლეები 25 თებერვლის დრამას გვახსენებენ

„თოვდა… და თბილისს ებურა თალხი, დუმდა სიონი და დუმდა ხალხი“-

სწორად ასე იწყებს თავის ლექსს- „25 თებერვალი“- ქართველი პოეტი კოლაუ ნადირაძე. დღესაც თოვს მთელ საქართველოში ისე, როგორც იყო ეს 104 წლის წინ. 1921 წლის 25 თებერვალს თბილისში საბჭოთა რუსეთის მე-11 წითელი არმია შემოიჭრა. სწორედ 25 თებერვალი ჩაიწერა ჩვენი ქვეყნის ისტორიაში, როგორც საქართველოსთვის ერთ-ერთი ყველაზე ტრაგიკული თარიღი – გასაბჭოების დღე, რასაც საქართველოს ოკუპაცია მოჰყვა…

დღეს, თოვლიან ამინდში, სსიპ რამინ დიხამინჯიას სახელობის ქალაქ ჩხოროწყუს N 1 საჯარო სკოლის VI კლასის მოსწავლეები ქალაქის ქუჩებში გავიდნენ წინასწარ მომზადებული ბროშურებით, რათა შეეხსენებინათ თანაქალაქელებისთვის ჩვენი ქვეყნის უდიდესი ტრაგედიის შესახებ.

პროექტისა და მოწოდებული მასალის ავტორი -გოგი დავითაია