ხაბუმის სკოლაში რამდენჯერმე გამოგზაურეთ და შეხვედრები წინ კიდევ არის. ამჯერად აქ განთავსებული სამუზეუმო სივრცეს ვეწვიეთ, რომლის ინიციატორი ასოციაცია “ბილიკი”, სკოლის დირექცია და რა თქმა უნდა ქალბატონი ნარგიზა კვარაცხელია გახლდათ.
ნარგიზა მასწავლებელი წლებია ისტორიულ მასალებს უფრთხილდება, პატრონობს და ბავშვებში სოფლის და ქვეყნის სიყვარული გააძლიეროს. ის ლეო ცირამუას , სხვა ცნობილი მასწავლებლების გზას აგრძელებს. სასიამოვნოა,რომ მისი სურვილების რეალიზაციას ხელი “ბილიკმა” ძალიან შეუწყო.
საერთო ძალისხმევით სკოლაში დადიანების სახელი დაბრუნდა. დადიანების ბილიკს ხომ წარსულიდან თანამედროვეობისკენ მოვყავართ.
ლეო მასწავლებლის სკივრიდან კიდევ ბევრ საინტერესო ცნობას მოვიძიებთ.ახლა კი უშუალოდ ფოტოების დროა. თავიდანვე ხარისხისთვის ბოდიშს მოგიხდით. ჯერ სკანერი არ გვაქვს და ფოტოაპარატით საუკეთესო არ გამოდის:) ნელ-ნელა უკეთესი ფორმატით ჩავანაცვლებთ.
ტერენტი ყველგან საუკეთესოდ სწავლობდა. დიდ მომავალს უწინასწარმეტყველებდნენ. ლექსები? უყვარდა ემოციების სტრიქონად ქცევა. ბევრი ვერაფერი მოასწრო…1941 ში დაიღუპა.
ეს არის მღვდელი ანტონ იესეს ძე ჩიქოვანი. დაბ. 1841 წელს გლეხის ოჯახში. ქართულ ენაზე საეკლესიო წიგნების წერა-კითხვა და საეკლესიო ტიბიკონი კარგად, რამდენიმე ნაწილი კატეხიზმო და ისტორიული მოთხრობა, სოფლიური გალობა, რუსული ნუმერაცია მარტვილის საკათედრო ტაძარში ისწავლა. 1863 წლის 2 ივლისს მეორე მუხურის ღვთისმშობლის მიძინების სახ. ტაძრის მედავითნედ დაინიშნა. 1872 წლის 27 მაისს პირველი მუხურის წმ. გიორგის სახ. ტაძარში გადაიყვანეს. 1886 წლის 24 აგვისტოს გურია-სამეგრელოს ეპისკოპოსმა გრიგოლმა (დადიანი) დიაკვნად აკურთხა და მეორე მუხურის ტაძარში განამწესა. 1892 წლის 25 იანვარს მღვდლად დაასხა ხელი და ლექარჩის მთავარანგელოზთა სახ. ტაძრის წინამძღვრად დაადგინა. დაჯილდოებული იყო საგვერდულით. 1908 წლის მარტში შტატიდან გავიდა. 1914 წელს მეორე მუხურის ღვთისმშობლის მიძინების სახ. ტაძარზეა მიწერილი როგორც უშტატო მოძღვარი. გარდაცვალების წელი უცნობია. მეუღლე სალომე იოანეს ასული (მეორე ვერსიით _ ვასასი უჩანას ასული, დაბ. 1847წ.) და შვილები: შუშანიკი (დაბ. 1880წ.); ისააკი (დაბ. 1883წ.).
და კიდევ “ორი საბუთია და ორივეგან სხვადასხვა სახელი წერია ცოლის, და კიდევ როდის გარდაიცვალა და სად არის დაკრძალული.” თუ მოგეპოვებათ ინფორმაცია, მადლობელი ვიქნებით დაზუსტებისთვის, ასევე სხვა პირების შესახებ ინფორმაცია თუ მოგეპოვებათ 🙂
კიდევ ერთი სურათი-გამოცანა…. ადგილად მითითებულია ხაბუმე, ხოლო თარიღად მეცხრამეტე საუკუნის 90-ნი წლები. სურათის აღწერა კი გვაცნობს, რომ ესაა წერა-კითხვის წარმომადგენელთა სტუმრობა ხაბუმეში… გვეეჭვება და ამიტომ დახმარებას ვითხოვთ 🙂 ფიქსირებულ პირებს შორის დასტურდება ივანე ჩიქოვანი და უთუ შენგელია.
ამ სურათის შესახებაც ბევრი არაფერი ვიცით. ვეცდებით უკეთესად დავასკანეროთ და კიდევ მოგიყვეთ მოქმედ გმირებზე….თუ მოხერხდა……. დრო ხომ კვალს კლავს.
ჩვენებური პროფესორი ვახტანგ ვახანია
პედაგოგი ნიკოლოზ ბერულავა
გაგრძელება იქნება. ეს ჯერ დასაწყისია. პროექტის დიდი მხარდაჭერა იქნება გამოხმაურება.
გამოსაშვები კლასები
სკოლის ისტორიიდან
Have any thoughts?
Share your reaction or leave a quick response — we’d love to hear what you think!
- 0
- 0
- 0
- 0
- 0
- 0