ჩხოროწყუს მუნიციპალიტეტის, კულტურის ცენტრისა და მოსწავლე-ახალგაზრდობის სახლის ბაზაზე არსებული ბავშვთა ფოლკლორული ანსამბლი „კოლხა“ წარმატებით წარსდგა ლეჩხუმში (ცაგერი) გამართულ ფესტივალზე „ხომლში“, სადაც გალა კონცერტი სწორედ ამ ანსამბლის გამოსვლით გაიხსნა.
🎶 პატარა კოლხებმა დიდი სცენა დაიპყრეს – მრავალრიცხოვანი მაყურებლისა და ჟიურის მხრიდან ანსამბლმა უდიდესი მოწონება დაიმსახურა და ფესტივალი ოქროს მედლით დაასრულა.
ანსამბლის ხელმძღვანელი ალეკო შენგელია უკვე წლებია სათავეში უდგას ბავშვთა კოლექტივს და მისი შრომის შედეგია ის, რომ „კოლხა“ რეგულარულად წარმოადგენს ჩხოროწყუს სხვადასხვა რეგიონში თუ ქვყანაში
კოლექტივი არაერთ ფესტივალსა და კონცერტზეა მიწვეული და მისი სახელი ადგილობრივი კულტურის ღირსეულ ელჩად მტკიცედ ყალიბდება.
🎗 აღსანიშნავია, რომ ფესტივალზე მოპოვებული წარმატება ანსამბლმა მიუძღვნა ლუკა შენგელიას ნათელ ხსოვნას — ჩხოროწყუს მუნიციპალიტეტის გამორჩეულ ახალგაზრდას, რომლის მოულოდნელმა წასვლამ მთელი რეგიონის გულები შეძრა.
🎖 ფესტივალ „ხომლში“ გამარჯვება არ არის მხოლოდ ოქროს მედალი — ესაა კულტურის სიყვარულით აღზრდილი ახალი თაობის ხმა, რომელიც სცენაზე თამამად და იდენტობით სავსედ გამოდის.