„ახალგაზრდული დღეები 2017“ ჩხოროწყუში 18 აგვისტოს დაიწყო და საარქივო ჩანაწერის მიხედვით, 24 აგვისტოს გალა-კონცერტით დასრულდა. ღონისძიება ჩხოროწყუს მუნიციპალიტეტის გამგეობის მხარდაჭერითა და სპორტისა და ახალგაზრდობის საქმეთა სამსახურის ორგანიზებით გაიმართა.

პროგრამა აერთიანებდა კულტურულ, სპორტულ, შემეცნებით და ინტელექტუალურ აქტივობებს.

გახსნის დღე

ახალგაზრდული დღეების ფარგლებში, დაბის ცენტრალურ პარკში 2015–2016 სასწავლო წლის ოქროსა და ვერცხლის მედალოსნები დაჯილდოვდნენ. მედლები მათ საზეიმო ვითარებაში გადასცა გორის ქალთა კაპელას ხელმძღვანელმა, ჩხოროწყუს მუნიციპალიტეტის მკვიდრმა თეონა ცირამუამ.

მედალოსნებს სკოლის წარმატებით დასრულება მიულოცეს მუნიციპალიტეტისა და საგანმანათლებლო რესურსცენტრის ხელმძღვანელებმა.

კულტურის სახლში გაიმართა საქართველოს სახალხო არტისტ ლეო ანთაძის სპექტაკლი. კულტურის სახლის წინ კი ახალგაზრდული დღეების გახსნისადმი მიძღვნილი კონცერტი ჩატარდა X ფაქტორის მონაწილეთა მონაწილეობით: თათია ცქვიტაია, მარიამ შენგელია, სანდრო ფარცვანია, მატილდა კატალია, ნინი შონია, ლიკა მებონია, ლიზა მებონია და ანი ჩიქოვანი.

შეკრებილ საზოგადოებას მიმართა ჩხოროწყუს მუნიციპალიტეტის გამგებელმა დათო გოგუამ.

აქტივობები

ახალგაზრდული დღეების პროგრამაში შედიოდა:

„მისია 2017“;
თამაში „ჩაძირობანა“;
სიტყვების თამაში;
ფოტო- და ვიდეოკონკურსები;
კარაოკე და ცეკვა;
მელომანია;
ეკოპროექტი;
ინტელექტუალური თამაში „რა? სად? როდის?“;
ფლეშმობი;
ფერების ფესტივალი;
ახალგაზრდული ჩემპიონატები მინი ფეხბურთში, პლაჟის ფრენბურთში, კალათბურთში, მაგიდის ჩოგბურთსა და მენჩურუაში.

კარაოკესა და ცეკვაში გამარჯვებულებს, მათ შორის ჯონი მამფორიას, ელენე ხურცილავას, გიორგი ჯღარკავას, ლიკა ზედანიას, ირინე ჩხარჩხალიასა და გიორგი ჯობავას, გამგეობის მიერ დაწესებული სამახსოვრო საჩუქრები გადაეცათ.

გამარჯვებულები

გალა-კონცერტზე სხვადასხვა ნომინაციაში გამარჯვებულები გამგებლის პირველმა მოადგილემ გოჩა ჩიქოვანმა, ასევე ედემ კვარაცხელიამ, თეა ტყებუჩავამ და ათინა წურწუმიამ დიპლომებით, სამახსოვრო საჩუქრებითა და ფულადი პრიზებით დააჯილდოვეს.

საუკეთესო გუნდი — „BRAIN BRINGERS“
საუკეთესო კაპიტანი, „BRAIN BRINGERS“ — ლიკა ჯალაღონია
საორგანიზაციო ჯგუფის რჩეული — გიორგი ბაძაღუა
„მისია 2017“-ის გამარჯვებული — „BRAIN BRINGERS“
სიტყვების თამაშის გამარჯვებული — „ლუი“
„ჩაძირობანას“ გამარჯვებული — „მწვანე გული“
წლის აღმოჩენა — „BRAIN BRINGERS“
საუკეთესო თეატრალური ნომერი — მარიამ დარსალია
საუკეთესო DJ — საბა შანავა და ნუგა გოგუა
ფოტოკონკურსის გამარჯვებული — „BRAIN BRINGERS“
ვიდეოკონკურსის გამარჯვებული — „ლუი“

ინტელექტუალურ თამაშში „რა? სად? როდის?“ პირველი ადგილი ხაბუმეს გუნდმა დაიკავა; მეორე ადგილზე დაბის გუნდი გავიდა, მესამე ადგილზე კი დაბის გუნდი „მიმიკრია“.