27 მარტს ჩატარდა „ჰელფინგ ჰენდი“ს პროექტის გრანდიოზული შემაჯამებელი ღონისძიება, რომელსაც ჩხოროწყუს მუნიციპალიტეტის აქტიური ახალგაზრდებიც ესწრებოდნენ.
ღონისძიებაზე გამოვლინდა გამორჩეული ინიციატივები, ხოლო ერთ-ერთ მთავარ გამარჯვებულად დასახელდა პროექტი „აქტიური თაობა“, რომლის ორგანიზატორები ჩხოროწყუელები კობა მალანია(კირცხის თემის №1 საჯარო სკოლა)და გიორგი ჯიქია(აფხაზეთის №10 საჯარო სკოლა) გახლავთ.
„აქტიური თაობა“ ახალგაზრდული სპორტული პროექტია, რომელიც მიზნად ისახავს ჯანსაღი ცხოვრების წესის პოპულარიზაციას, სპორტული აქტივობების განვითარებასა და ახალგაზრდების გაერთიანებას.
ორგანიზებულმა დინამიკურმა და მასშტაბურმა სპორტულმა ღონისძიებებმა ჩხოროწყუში ახალი ტალღა მოიტანა, უამრავ ახალგაზრდას მისცა საკუთარი შესაძლებლობების გამოვლენის შანსი და ჯანსაღი კონკურენციის იდეა გაავრცელა.
ახალგაზრდებმა განსაკუთრებული მადლიერება გამოხატეს „ ჰელფინგ ჰენდის“, ახალგაზრდობის სააგენტოსა და ჩხოროწყუს მუნიციპალიტეტის მერიის მიმართ, რომლებიც ყოველთვის გვერდით უდგანან ახალგაზრდებს და ხელს უწყობენ მათ იდეებსა და ინიციატივებს.