ახალგაზრდა ლიდერები ჩხოროწყუდან

2024 წლის 24 მარტს რამინ დიხამინჯიას სახელობის ქალაქ ჩხოროწყუს N1 საჯარო სკოლის ლიდერთა სკოლის სპეციალურ პროექტში ჩართული მოსწავლეები მიწვეული იყვნენ მასტერკლასზე მონაწილეობის მისაღებად, რომელიც ჩატარდა ქალაქ ბათუმში. შეხვედრის მიზანი იყო მოსწავლეებში გუნდურობის გაძლიერება, მათი ერთი მიზნისკენ გაერთიანება, სისწრაფისა და დროის მართვის უნარების გაუმჯობესება. შეხვედრაში ჩართული იყვნენ ინგლისური ენის პედაგოგი ეკატერინე ჭითანავა, ჩვენი სკოლის ქართული ენისა და ლიტერატურის პედაგოგი დავით ნაჭყებია,კლასის დამრიგებელი ამავე სკოლის ხელოვნების პედაგოგი მაია კაჭარავა და მოსწავლეთა მსობლები. შეხვედრამ საინტერესოდ ჩაიარა, მოსწავლეებმა წარადგინეს საინტერესო პრეზენტაციები და ბოლოს სამახსოვრო სერთიფიკატებიც გადაეცათ.