ეროვნულ გმირს, კობა წურწუმიას 41 წელი შეუსრულდებოდა

23 აპრილი არის კობა წურწუმიას დაბადების დღე, რომელიც 2008 წლის აგვისტოს ომში საქართველოს ტერიტორიული მთლიანობისთვის დაიღუპა. მას დღეს 41 წელი შეუსრულდებოდა.

ამასთან დაკავშირებით, ჩხოროწყუს მუნიციპალიტეტის მერმა, მერიისა და საკრებულოს ფრაქცია „ქართული ოცნება – დემოკრატიული საქართველოსა“, ასევე ადგილობრივი ხელისუფლების წარმომადგენლებმა, კობა წურწუმიას საფლავი ყვავილებით შეამკეს და მის ხსოვნას პატივი მიაგეს.

პატივი მიაგეს ოპოზიციისა და საკრებულოს უმრავლესობის წარმომადგენლებმაც.

კობა წურწუმია 2008 წლის 7 აგვისტოდან რუსეთ – საქართველოს ომის წინა ხაზზე იბრძოდა. 9 აგვისტოს, საომარი მოქმედებების დროს, ცხინვალში დაიღუპა. ის თავისი მშობლიურ სოფელში, ლეწურწუმეშია დაკრძალული.