Electronic network of the municipality of Chkhorotsku
  • English
    • Georgian (Georgian)
    • Русский (Russian)

Forgot your password?Register here

Login here
  • News from Chkhorotsku
  • Blogs
    • Chkhorotsku from above
    • "My city Chkhorotsku" presents the rubric "Blitz Interviews"
    • Ensemble “Marduki”
    • დათო ბებიას ხელოვნება
    • Iago Keburia’s page
  • Administrative units
    • Chkhorotsku
      • Facebook page of the city of Chkhorotsku
    • The village of Lesichine
      • Facebook page of the village of Lesichini
    • Mukhuri
      • Chkhorotsku mountain area
      • Resort Mukhuri FB page
    • The village of Taia
      • სოფელ თაიას FB
    • The village of Kirtskhi
      • FB Page of Kirtskhi
    • Akhuti
      • FB page of the village of Akhuti
    • Khabume
      • FB Page of Khabume
    • The village of Letsurtsume
      • FB page of the village of Letsurtsume
    • The village of Chogha
      • სოფელ ჭოღას FB
    • Napichkhovo
      • Facebook page of the village Napichkhovo
    • Kveda Chkhorotsku
      • FB page of the village Kveda Chkhorotsku
    • The village of Zumi
      • სოფელ ზუმის FB
    • Nakiani
      • Facebook page of the village Nakiani
  • SaRAKONI FB
  • Cultural heritage
    • Churches and monasteries
  • The nature of Chkhorotsku
    • Chkhorotsku mountain area
    • Rivers
    • Bath areas
    • Caves
  • Municipality
    • Mayor of Chkhorotsku Municipality
    • Chkhorotsku Municipality Council
    • მოსახლეობა
    • The nature of Chkhorotsku
      • Chkhorotsku mountain area
      • Caves
      • Lakes
      • Rivers
        • Bath areas
    • ტოპონიმიკა
    • მუზეუმები და ისტორიული მნიშვნელობის სივრცეები
    • მუნიციპალიტეტისთვის დაქვემდებარებული იურიდიული პირები
    • Agency representations and branches
    • Education
      • Schools
      • კულტურა
        • Cultural heritage
        • ფოლკლორი
        • შემოქმედება
        • Ensemble “Marduki”
    • სასტუმროები
    • Party organizations
    • სპორტი
  • Cultural heritage
    • Churches and monasteries
  • Project “Discover Chkhorotsku”
    • Old, digital photographs
    • Old stories About chkhorotsku
    • Discover places
    • History
  • People from Chkhorotsku
    • New generation
    • People from the past
  • პროექტის ფინასური მხარდაჭერა
პროექტები ხორციელდება ააიპ "საქართველოს რეგიონების სამოქალაქო სივრცის" ეგიდით. ჩვენი არასამთავრობო ორგანიზაცია დამოუკიდებელია და მოქმედებს საქართველოს კანონმდებლობით, მედიის თავისუფლების პრინციპებით
ამბები ჩხოროწყუში
4-star hotel project in Mukhuri
Construction of Khobi-2 hydroelectric power plant is underway...
Construction of a bridge over the river Ghunja...
Measures to prevent the spread of coronavirus in...
The mayor of chkhorotsku Dato Gogua publishes a...
MP Jumber Izoria publishes statement
The access road to Tobavarchkhil Lake is being...
Electronic catalog “Chkhorotsku Cultural Heritage”
Radio “Ahali Era” on the air.
The presentation of the project “Discover Khabume” was...
People from ChkhorotskuThe village of Letsurtsume

ინტერვიუ შოთა წურწუმიასთან

ავტორი chkhorotskuge April 8, 2018
ავტორი chkhorotskuge April 8, 2018

This post is also available in: Georgian (Georgian)

ჩხოროწყუელებთან ვისაც შეხება გქონიათ,  იშვიათად შეგხვდებათ ადამიანი, რომელსაც შოთა წურწუმიას შესახებ  არაფერი გაუგია. პოეტი ძალიან პოპულარულია და  მისი პოეზია დიდი ხანია ლოკალურ მაშტაბებს გაცდა.

ინტერვიუც შესაბამისი გამოვიდა, ლექსის გარეშე ხომ   ჩვენი საუბარი წარმოუდგენელია. გირჩევთ ბოლომდე წაიკითხოთ.   

  1. შოთა, თქვენს პოეზიაში ჩხოროწყუს და ლეწურწუმეს თემა ხშირად ჩანს. ყველაზე მეტად რა მოგწონს და პირიქით, რის  გამოსწორებას ისურვებდით მუნიციალიტეტში ?

“ცა არ გვთავაზობს მჩაგვრელ დუელებს,

დაე ჰყვადნენ ძმობის ალმები,

ჩემს ჩხოროწყუს და ჩხოროწყუელებს

ვით მონა უფალს მივესალმები!”

პირველ რიგში მადლობას მოგახსენებთ იმისთვის, რომ დაინტერესდით ჩემი შემოქმედებით და  მაძლევთ საშუალებას იმისას რომ ჩვენს ოდაბადეს რამოდენიმე სიტყვით მოვეფერო…

რაც შეეხება თქვენს მიერ დასმულ კითხვას… ვიტყვი რომ

“ართო ქომზეიმებუდანი

ხოლო ანთასი თირობუა,

ჩხოროწყუალეფიშა მემიჩას

ღორონთქ იფრელი ჯგირობუა.”

 მართლაც და მთელი შეგნებითა და პასუხისმგებლობით შემიძლია ავღნიშნო, რომ ჩემი ლეწურწუმე და მთლიანად ჩხოროწუ, დედამიწის ზურგზე ყველა კუთხე-კუნჭულს მირჩევნია, თუმცა ვთვლი, რომ ეს ჩემი პრივილეგია სულაც არ არის და ალბათ ასე ფიქრობს ყველა, სამეგრელოსა თუ სხვა კუთხის შვილი, რამეთუ საქვეყნოდ ცნობილი ჭეშმარიტებაა, რომ ადამიანებს ის ადგილი, სადაც დავიბადეთ და გავიზარდეთ ყველაზე მეტად გვიყვარს.

პირველ რიგში მომწონს ჩვენს მუნიციპალიტეტში მცხოვრები ხალხის უბრალოება, სტუმართმოყვარეობა და ერთგულება… რაც ბუნებრივია წინაპრებისგან მოგვსდგამს და ვალდებულნი ვართ შევინარჩუნოთ. ამ ყველაფერთან ერთად,  ჩვენთვის უფლის მხრივ ნაბოძები ბუნების სიმდიდრე ხომ წელიწადის ოთხივე სეზონზე  ბევრისგან  გამორჩეული და ყველასთვის მიმზიდველია. ასე რომ როგორ შეიძლება ამავე მიწის შვილს საკუთარი აკვანი განსაკუთრებულად არ გხიბლავდეს. პირადად მე სადაც ვცხოვრობ იქიდან დაბა ჩხოროწყუ ხელის გულივითაა გადაშლილი და მახსოვს ბავშვობისას შუა ღამეც ბევრჯერ ავმდგარვარ, რათა საათობით მემზირა მისთვის და დღემდე ასე ვარ… რა დროსაც ხშირად სწორედ მისადმი სატრფიალო სტროფები მებადა და არ ვიცი რამდენად საკადრისად მაგრამ თუ კი დღეს სხვა არაფრით ხელ არ მეწიფება ვცდილობ ლექსებით მაინც მოვეფერო.

  1. ლეწურწუმეში როგორი დამოკიდებულებაა თქვენი და საზოგადოდ პოეზიისადმი?

მივეალერსოთ ჩვენს ოდაბადეს

ამაღლდეს ჭერი, ხურდეს ღუმელი

მე მხიბლავს ჩემი ლეწურწუმე და

მე მიყვარს ყველა ლეწურწუმელი.

მართლაცდა ღმერთს ხშირად მადლობას ვუხდი, იმისთვს რომ ამ კურთხეული თემის შვილი ვარ და განურჩევლად თითოეული მოსახლის მიმართ განსაკუთრებული პატივისცემით ვარ განწყობილი. ამავე დროს თამამად შემიძლია ავღნიშნო, რომ პირიქითაც ანალოგიურ სიყვარულს ვგრძნობ და რითაც შემიძლია ვცდილობ რომ ყოველთვის მათ გვერდით ვიდგე.

პოეზიის მიმართაც საკმაოდ დიდი სიმპატიით არიან განწყობილი და შეიძლება დღეს არ გამოაქვთ სააშკარაოზე, მაგრამ ვიცი, რომ არაეთი ახალგაზრდა წერს კიდეც ლექსებს. ასევე ჩვენზე საკმაოდ უფროსი თაობის წარმომადგენელს, ბატონ ოთარ წურწუმიას ლექსების კრებულიც  ქონდა გამოცემული, სახელწოდებით ,,სანამ გამოიდარებს“  და ამგვარად პოეზიის ნექტარს არაერთგზის ნაზიარები ხალხის მხრიდან მეც სულ გულშემატკივრობას ვგრძნობ თუ შეიძლება ასეც ითქვას ითქვას ჩემს ,,პოეტურ“ სარბიელზე…

ლეწურწუმე და ლეწურწუმელები

  1. ვინაა თქვენი ფავორიტი პოეტი, რომელმაც განსაკუთრებული გავლენა მოახდინა თქვენს შემოქმედებაზე?

როცა ლექსს არ ვკითხულობ, ხან ყინვა მსჯის, ხან ქარი

და ჩემს ტანჯულ სხეულში სევდა იწყებს თარეშებს…

გაზაფხული, ზაფხული, შემოდგომა, ზამთარი,

ჩემთვის ჯოჯოხეთია, პოეზიის გარეშე.

მახსოვს ბავშვობაში სიტყვა პოეტი და მაშინ ჩემში მისი ბუნდოვანი აღქმაც საოცარ სიამოვნებას მანიჭებდა…

ერთხელ ასეთი სტროფი ჩავინიშნე_

პოეტობის წოდება ეჰ ვიცი,

ვიცი ქვეყნად თუ რა ძვირად ფასობს

და თუ ოდს შევიფერებ მე მას

მიჯობს თავად ღმერთმა შმაფასოს…

და მკითხველიც დამეთანხმება ალბათ იმაში, რომ მთელი ჩვენი არაერთგზის ქარ-ცეცხლ გამოვლილი ერის ისტორიის არსებობის მანძლზე ქართველი კაცისთვის ერთერთ სულიერ საზრდოს სწორედ რომ პოეზია და საერთოდ მწერლობა წარმოადგენდა. სხვა რა არის თუ არა ღვთის მადლი, ცით მოვლენილი პოეტური შთაგონება,  რომელიც  ლექსებად გადმოიღვრება და შემდგომ ავტორის სახელთან ერთად თაობებს საუკუნების მანძილზე საგზლად მიჰყვება… (რა თქმა უნდა ჭეშმარიტ პოეზიაზე მაქ საუბარი, როგორი სახით დამკვიდრებაც მხოლოდ რჩეულთა ხვედრია და ასეთები ერთეულები თუ გამოერევიან ხოლმე) რომლის ნათელ მაგალითს ჩვენშიც ნოდარ ჯალაღონიას, ლაშა გახარიას და სხვათა შემოქმედება წარმოადგენს…

მთლიანობაში ხომ ქართველები დიდი პოეტების ყოლით საკმაოდ განებივრებული ვართ, პოეტების რომელთა სახელიც ჩვენი ქვეყნის საზღვრებს დამსახურებულად გაცდა, თუმცა ვერ ვიტყვი, რომ კონკრეტულად რომელიმე ერთს ცალკე გამოვარჩევდე… რადგან თუ შემოქმედმა საზოგადოების მხრიდან პოეტის წოდება ღირსეულად დაიმსახურა, ესეიგი ერთი კარგი ლექსი მაინც დაუწერია და მე ის სწორედ იმ ერთი ლექსით მამახსოვრდება… როგორც ლაშა წერს ,,პოეტი მაინც – ერთი ლექსია – ობლის ცრემლივით ცამდე მართალი“-ო… რაც სრულიად საკმარისია იმისთვის რომ ის ერის გულში სამუდამოდ დარჩეს. ასე რომ ჩემდამი გავლენის მოხდენას ვერცერთი პოეტის შემოქმედებას ვერ მივაწერ, თუმცა უნდა აღინიშნოს, რომ ისინი ჩვენში სტიმულს აღვივებენ… მაგალითად ვაჟას ,,არწივი“, გალაქტიონის ,,მთაწმინდის მთვარე“, თუ გრანელის ,,Memento Mori“ და სხვა არაერთი ავტორის გამორჩეულ ლექსებთან ერთად, მეც მიჩენენ ლექსების წერის ჟინს და არა სურვილს ისმისას რომ მათ მივბაძო და დავემსგავსო… ასეთი მიდგომით კი ვფიქრობ საკუთარ თავთან და მკითხველთანაც უფრო მართალი ვრჩები.

  1. ჩხოროწყუში რამდენიმე ნიჭიერი ხელოვანი გამოჩნდა. როგორი ურთიერთობა გაქვთ ერთმანეთთან?

თუ პერსპექტივა წინ არის

ჩვენც ხელთ გვიპყრია სადავე,

რამეთუ ნიჭის მდინარის

,,ჩხოროწყუ გახლავთ სათავე“!

სამცხე-ჯავახეთის სახელმწიფო უნივერსიტეტში 2013 წლის 7 მარტს ბატონ თეიმურაზ მაღრაძის ხელმძღვანელობით და სტუდენტების მონაწილეობით პოეზიის საღამო მომიწყეს და პირველი კრებულიც დამიბეჭდეს, თუმცა იმ დროისთვის ამ სფეროს მიმდევრებთან მაინცადამაინც დიდი დაახლოება არ მქონდა. მახსოვს, როცა უნივერსიტეტს მოვრჩი და ჩვენთან დავბრუნდი მირჩიეს რომ ლექსები ბატონ კოტე ნაჭყებიასთან მიმეტანა და დავახლოვებოდი. მანამდეც მსმენია ამ ღირსეული პიროვნების შესახებ, ლექსებიც წამიკითხავს, რომლებიც ძალიან მხიბლავდა თუმცა ახლოდან არ ვიცნობდი. შემდგომ  კი მისი წყალობით, არაერთ ღონისძიებაში მივიღე მონაწილეობა, ჩხოროწყუში თუ მის გარეთ. ასევე 2016 წლის 4 მარტს ჩხოროწყუს კულტურის სახლში, ისტორიული მუზეუმის დირექტორის, ქალბატონ ნაირა ციმინტიას ინიციატივითა და ორგანიზებით პოეზიის საღამო მომიწყეს და ყველა ამ ჩამოთვლილი შეკრების ჟამს: გიორგი გულუა, ზურაბ შენგელია, ჯანო გოგუა და სხვა არაერთი პოეზიით გატაცებული შესანიშნავი ახალგაზრდა გავიცანი, (ზოგს მანამდეც ვიცნობდი).  ჩამოთვლილთაგან ყველასთან ძალიან ახლო და მეგობრული ურთიერთობა მაქვს. ასევე მოგეხსენებათ რომ ჩვენდა საბედნიეროდ, პოეზის გარდა: სიმღერის, ცეკვის, მხატვრობისა და  სხვა არაერთი სახის შემოქმედებითი ნიჭით დაჯილდოვებული ახალგაზრდები მრავლად არიან მუნიციპალიტეტში და ვუსურვებ  ძალიან წარმატებული იყვნენ როგორც პოეზიაში ისე პირად ცხოვრებაში და მჯერა რომ ასეც იქნება….

5.რას ურჩევდით დამწყებ პოეტებს, ვისაც სურს დაიხვეწოს და პოეზიას სერიოზულად მოეკიდოს?

თავად აიღე ტილო და ფუნჯი,

რომც ვერ ხატავდე, სჯობს მაინც ცადო…

ჯანმრთელმა კაცმა ცხვრების დაფა

თვითონვ უნდა შეაფერადო!

ვფიქრობ, ყოველი სტრატეგია მიზნის დადებითად ასრულების შემდეგ ხდება განსაკუთრებული და პოეზიაშიც თუ ბედი არ ცადე არაფერი გამოვა… არის შემთხვევები როდსაც მთელი ცხოვრების მანძილზე პერიდულად წერს ადამიანი, მაგრამ ნამუშევრები დღის სინათლეზე არ გამოაქვს… რაც ნებისმიერ შემოქმედს ადუნებს.

არ ვიცი რამდენად სახარბიელოდ გამომდის საერთოდ ლექსების წერა მაგრამ, იმის გამო რომ მიმაჩნდა ჩემი ლექსებით მაინცადამაინც არავინ დაინტერესდებოდა ბევრი ლექსი უბრალოდ უჯრაში მქონდა შენახული ან სულაც დავკარგე და შემდეგ მათგან ზოგითი როდესაც ჩავწერე საკმაო ინტერესი გამოიწვია, რაც თავისმხრივ სტიმულის მომცემია იმისთვის, რომ მეტი იშრომო და შექმნა…

დღესაც, ხან ძალიან მაბედნიერებს როცა რაღაცას ჩავინიშნავ, ხანაც ვფიქრობ რომ არცერთზე დროის დაკარგვა არ ღირდა, თუმცა მაინც ყველაფერს, დარჩენილ სიცოცხლესაც კი მირჩევნია და ვურჩევ ყველა ახალგაზრდას რომ  მაქსიმალურად დაიხარჟონ, რაც შეიძლება მეტი იკითხონ, პარალელურად წერონ და შედეგს აუცილებლად მიიღებენ, რაც ხალხის სიყვარულში აისახება და ეს ხდება მიზეზი იმისა რომ ყოველ დილით მზის ამოსვლას იმედიანი თვალითა და გონებით შეხედო.

უკეთესი იქნება თუ ამ ყველაფრისთვის უბრალოების ფონზე იბრძოლონ, რადგან არის შემთხვევები როდესაც ახალგაზრდას მცირედი წარმატებაც აფუჭებს, ამპარტავანი ხდება და ეს ყველაფერს აუფერულებს. ასევე აუცილებელია, რომ ყოველი ახალი ლექსი კარგად გაიაზრონ თუ რა იდეა, რა აზრი ჩადეს და რისი დამატება ან ამოღება შეიძლებოდა… მერე კი დაარწმუნონ თავიანთი თავი იმაში რომ მას ბევრად უკეთესის შექმნა შეუძლია… და ასეცაა, ოღონდ ადამიანს გინდოდეს და გვქონდეს მიზანი…

ვორწყექ ვანდებულეს კოჩი კოც.

მარა დმაფუჩენე ილორს…

მართალი ახიოლე ღორონც,

ჩხოროწყუ დუდიშე მეტო მიჸორც!

  1. ამჟამად რას საქმიანობ და საინტერესოა თავად, ორიოდე სიტყვით როგორ აღწერდით შოთა წურწუმიას პოეზიისა და ხელოვნების მიღმა ?’

 გულს მუზა წვავს და ულხინს,

ვით შემეძლება ვდუმდე,

სულს პოეზიის იქით

არ უძებნია ბუდე…

შეიძლება ნამეტანი ხმამაღალი ნათქვამი გამომივიდეს, მაგრამ სიმართლე რომ ვთქვა, კარგია ეს თუ ცუდი პოეზიის უმისოდ, ცხოვრება ვერ წარმომიდგენია. უმეტესად ასე თუ ისე სევდიანი ბუნების ვარ და

კიდევ მრავალჯერ მოვიწყენ ალბათ,

ვიდრე მზე ამ თოვლს მთიდან ჩამოლევს,

სიხარულისა ვიკოთხოთ თორემ

მოწყენის მიზეზს რაღა გამოლევს…

თუმცა ცოტა ხანში ისევ აღმომხდება მსგავსი სიტყვები რომ

არვის აცდება ცხოვრების წიხლი

წუთისოფელი კაცის მტერია,

ასე მჯეროდა მაგრამ დღეს მიხვდი

სიცოცხლე მართლაც მშვენიერია!

მთლიანობაში ბევრი ფიქრი მიყვარს, ზოგჯერ ისეთ უმნიშვნელო რაღაცეებზეც რომ საკუთარ თავზეც ვბრაზობ და ყოფილა შემთხვევები როცა ყველაფერზე გული მქონდა აცრუებული, მაგრამ შეიძლება სულ ერთი სტროფიც ჩავინიშნო, მომეწონოს და მისით მთელი თვე ძალიან ბედნიერი ვიყო… მაშინ კი ვუმეორებ ჩემს თავს რომ_

ჩემო კალამო გიცხადებ ნდობას,

მართალი გულით გავყვეთ თაბახებს…

შენ კარგად იცი, რომ ქართველობას

ბევრი ვერავინ დაიტრაბახებს!

შემიძლია ხატთან დავიფიცო, რომ გულით მინდა ყველა ქართველი ჩემზე ბევრად უკეთესი იყოს და იქნენ მომავალი თაობის წარმომადგენლებიც…

ამჟამად ავსტრიის დედაქალაქ ვენაში ვიმყოფები. იანვარში წამოვედი, ვენის უნივერსიტეტში სწავლის გაგრძელების მიზნით და ამ ეტაპზე უნივერსიტეტის ბაზაზევე არსებულ გერმანული ენის მოსამზადებელ კურსებს გავდივარ… რისთვისაც ძალიან დიდ მადლობას ვუხდი სოხუმის მკვიდრ და ამჟამად ჩეხეთის რესპუბლიკაში მცხოვრებ სოსო მატკავას, თამარ აღდგომელაძეს და ყველა იმ კეთილ ადამიანს რომელმაც ამ მიზნის განხორციელებაში ხელი შემიწყო. ვნახოთ მომავალი რის შესაძლებლობას მომცემს, თუმცა ძალიან დიდი სურვილი მაქვს სათანადო განათლება მივიღო და შემდგომ ჩემს ქვეყანას რითაც და როგორც შემეძლება სუფთა სულით, გულითა და ხელებით ერთგულად ვემსახურო, მთელი დარჩენილი სიცოცხლის მანძილზე…

მჯერა რომ ჩხოროწყუელებს ერთად წინ ლამაზი და პერსპექტიული მომავალი გველოდება…

.  .  .

თქვა რეთ იმენდიში დაჭყაფუ,

გულს გამითბობდა სხვა ნეტა?

მა ჩხოროწყუშე მაჭყაფუ

არძო მურიცხი დო პლნეტა.

შირი დღას ვარჩხილშა ვამთირუ

დო ვართი კოჩანას ვაფარე,

ქიანს არძოში შურიდგმა

თოლისში ართი გოვალაფარე.

დო ჩე დო უჩაში გარჩევა

ჩხოროწყუს ქდიბგურედა,

თქვანი ჭირი მა ქობღოლამუდას

თქვანი ოღურუ კარს ბღურედა!

მადლობა დაფასებისთვის, უფალი გფარავდეთ!

  • Click to share on Twitter (Opens in new window)
  • Click to share on Facebook (Opens in new window)
ლეწურწუმეპოეზიაშოთა წურწუმია
0
FacebookTwitterWhatsappTelegram
წინა პოსტი
თანაფა
შემდეგი პოსტი
ახალი ქანდაკება : გალაკტიონ ტაბიძე. მასალა: ქვა. ….

მსგავსი სიახლეები

Maia Sichinava and her songs

April 20, 2020

Tireless Vano Grandpa

April 5, 2020

Kacharava Dynasty and music in self-isolation

March 28, 2020

Matsi (Mikheil) Khorava

February 3, 2020

Shavleg Shelia is a soldier who, in addition...

February 3, 2020

Koba Tsurtsumia

January 6, 2020

Samson Dadiani – Socialist-Federalist Prince from Chkhorotsku

December 20, 2019

Samson Todua-the story of a worthy clergyman

December 18, 2019

Akaki Khorava – Legend of Theater and Cinema

December 11, 2019

Monica Tsurtsumia’s photo world

November 10, 2019

შემოქმედება

Matsi (Mikheil) Khorava

Shavleg Shelia is a soldier who, in addition...

Monica Tsurtsumia’s photo world

Actor Valeri Sichinava

ლუკა პერტაიას გამოფენა

აქა ამბავი ~ ~ ~

ნოდარ ჯალაღონიას ცხოვრების გზა

ნოდარ ჯალაღონიას გახსენება

ლუკა პერტაიას შემოქმედებითი სამყარო

ნოდარ ჯალაღონია – “კამერტონი”

განათლება

  • 1

    სსიპ აფხაზეთის N10 საჯარო სკოლის კინოკლუბი “დუბლი”

    February 9, 2018
  • 2

    მელო

    May 1, 2019

Instagram

პროექტები ხორციელდება ააიპ "საქართველოს რეგიონების სამოქალაქო სივრცის" ეგიდით. ჩვენი არასამთავრობო ორგანიზაცია დამოუკიდებელია და მოქმედებს საქართველოს კანონმდებლობით, მედიის თავისუფლების პრინციპებით

ასევე იხილეთ:x

Maia Sichinava and her songs

April 20, 2020

Matsi (Mikheil) Khorava

February 3, 2020

მელო

May 1, 2019
  • Georgian
  • English
  • Russian