2014 წლის 8 ნოემბერს ჩხოროწყუში სახალხო დღესასწაული „ჩხოროწყუობა“ გაიმართა, რომელიც რაიონის დაარსების 85 წლისთავს მიეძღვნა.

დღესასწაულზე ჩხოროწყუს ცენტრში შეიკრიბნენ მუნიციპალიტეტის მცხოვრებლები და სტუმრები მეზობელი რაიონებიდან და თბილისიდან.

მუნიციპალიტეტის ცამეტივე თემს, საჯარო სკოლებსა და საბავშვო ბაღებს საკუთარი კუთხეები ჰქონდათ მოწყობილი. მეგრულ ფაცხებში მზადდებოდა ტრადიციული კერძები, გამოფენილი იყო ხალხური რეწვის ნიმუშები და ხელნაკეთი ნივთები.

მთელი დღის განმავლობაში მიმდინარეობდა კულტურული და სპორტული ღონისძიებები. განსაკუთრებული ადგილი ეკავა ტრადიციულ ქართულ თამაშობებს. მონაწილეები ერთმანეთს ეჯიბრებოდნენ საჯილდაო ქვის აწევაში, ქართულ ჭიდაობაში, ლახტსა და ბაგირის გადაძალვაში.

ღონისძიებას ესწრებოდნენ სხვა მუნიციპალიტეტების ხელმძღვანელი პირებიც.

დღესასწაული საღამოს გალაკონცერტით დასრულდა, რომელშიც მონაწილეობდნენ ქართული ესტრადის შემსრულებლები, მათ შორის სოფო ბედია და აჩიკო ნიჟარაძე.

2014 წლის „ჩხოროწყუობა“ მზიან და თბილ ამინდში გაიმართა. იმდროინდელ აღწერებში განსაკუთრებითაა აღნიშნული მონაწილეთა სიმრავლე, სადღესასწაულო განწყობა და სოფლების აქტიური მონაწილეობა.

გამოყნებულია მეიის და ნინო შენგელიას ფოტოები