ჩხოროწყუში გაიმართა სასკოლო სპორტული ოლიმპიადის შესარჩევი ეტაპი გოგონათა მინი ფეხბურთში

9 ოქტომბერს, ჩხოროწყუს მუნიციპალიტეტის მერიის სპორტისა და ახალგაზრდობის საქმეთა სამსახურის ორგანიზებით, ჩხოროწყუს საგანმანათლებლო რესურსცენტრთან შეთანხმებით, გაიმართა სასკოლო სპორტული ოლიმპიადის ჩხოროწყუს შესარჩევი ეტაპი მინი ფეხბურთში გოგონათა კატეგორიაში.

შეჯიბრებაში მონაწილეობა მიიღო შვიდმა გოგონათა გუნდმა ჩხოროწყუს სხვადასხვა საჯარო სკოლიდან.

I ადგილი — ნაფიჩხოვოს საჯარო სკოლის გუნდი

II ადგილი — ლესიჭინეს №2 საჯარო სკოლის გუნდი

III ადგილი — ზუმის საჯარო სკოლის გუნდი

გამარჯვებული გუნდები დიპლომებითა და შესაბამისი ხარისხის თასებით დააჯილდოვა ჩხოროწყუს მერიის მოადგილე ვალერი თოდუამ, სხვა ხელმძღვანელ პირებთან ერთად.

#სასკოლო_სპორტული_ოლიმპიადა სპორტის 7 გუნდურ სახეობაში მიმდინარეობს ქვეყნის მასშტაბით და მას კოორდინაციას უწევს სასკოლო სპორტის ეროვნული ფედერაცია.