შოთა წურწუმია-ჩქიმი ნანაში ნინა

ჩქიმი ნანაში ნინა ჯვეშიშე ჯვეში
მუთ ურზუქ თეზმა ღალატის?
ურა მობურთე ორდენი თეში
გარზენა ჭითა ბარათის,
ობირეთ არძა მგანატრ,
მარა ბრელი უზგირტ რაგადის.
მუ ჭკუას ომსახურუნანი
ვაბკითხენი ვეი აკა თის…
ქორთუ ერქ ჟი დო ჟი გეთუ დო
ართი-მაჟრაში ჯიკაფი ვაგათის.
ართი დღას გური ეკომილენსნი
ქუწუენი ქიი გლახა თის,
რჯერდას ოდო თოლი მინჯანსნი
გაიმანგარენქ მა განთხის.
მითინშა მუთუნი ვადაიშებუ,
მენძელი ორდი, მენდული გურს ჯვარიში,
სკანი ტყობინი სოთინი ძირესო,
ვარა წყინაფა სუმარიში?
ჩქიმი ნანაში ნინა, ჯვეშიშე ჯვეში,
უგემუანაში თოფურიში,
ვორწყექ, ლასუა ოკონანი
ირ განს სკანი არძო ნოქურიში,
სი მაფშალიათ ჩინებული
მნმაღურჭულარი ჩონგურიში.
ათეთ გურს ვაჭუნი ეთი კოც
შური მუშა გიდგდას დოღური იში!
ოში უჸვაიჭარე ჩქინ ჭიშკარს
გიორთ ერია-მორიას,
მარა სკანი რჯუკი დღას ვამკუდირკ
თირი, ვალი, გურგინი დო ბორიას.
ვაშანთხა გურიში გოლვაფირი,
კოლხურო გოფაშჩი სუალეფი,
ხუც ჯიხაცალო ალაირეთ,
ჭარათ უგუტახ სკუალეფი,
არძო მა ქმობხვალამუდას,
სკანდა ნაოთემუ ქუალეფი,
ბრელი რჸუნდ დო ხოლო რშებუდას
ცოტნეშინერი ომორდუალეფი.
სი ჩქინი მორდუ დო მარდუალი,
ფოსვი გიღი ქუხოლე ცას ჸალეფი!
ქდგესაჭირდა სკანი გურშენი
ართი დღას გობჭყორდუთ მარგალეფი,
მარა მართალიში მორკინეფს
დღას ვეგესკილად ჸვას ქალეფი.
დარეთ მა დო სი მემრჩქინეს,
შხვეფი მენცარი რენა, ქოკითხენი,
მიდგიას მუზმას ოტყუქუნი
ეთიზმა ოკო მოკითხენი.
ქორთულს შური სკანით ინალანტ,
შონურს გქფაფუ ვალარეფი,
ლაზურს დღას ვარკდ მოცილე
დო განთხიში გთმაღალარეფი.
მუთუნი უბადო ქმორძდა
ჭუმანშე იფრელი ჩქიმი ჸუას,
ღორონთქ სკანი ხმაშე უჰამაში
მარგალს მუ ალამსიმუას.
ჩქიმი ნანაში ნინა, ჯვეშიშე ჯვეში,
მუთ ურზუქ თეზმა ღალატის?
ურა მობურთე ორდენი თეში
გარზენა ჭითა ბარათის
ობირეთ ირკოჩი მგანატრ
მარა ბრელი უზგირტ რაგადის…

You may also like

Leave a Reply

Odabade.Ge

ჩხოროწყუს ციფრული არქივი

ჩხოროწყუს ციფრული არქივი

 პროექტი "ჩხოროწყუს ციფრული არქივი"    ააიპ "საქართველოს რეგიონების სივრცის" და ჩხოროწყუს მუნიციპალიტეტის  კულტურის სამსახურის ერთობლივი ინიციატივაა

სამოქალაქო სივრცე

ერთად შევქმნათ სამოქალაქო სივრცე

ერთად შევქმნათ სამოქალაქო სივრცე

  ააიპ "საქართველოს რეგიონების სივრცე"  ღიაა ყველა დაინტერესებული ადამიანისთვის.   

ჩხოროწყუს ელექტრონული ქსელი

ჩხოროწყუს  ელექტრონული ქსელი

ჩხოროწყუს ელექტრონული ქსელი

ჩვენ  ვქმნით  ჩხოროწყუს ელექტრონულ ქსელს, რომელიც  მოიცავს  ინფორმაციათა ფართო ქსელს ჩხოროწყუს  და  საქართველოს რეგიონების შესახებ