სოფო მასწავლებელი

This post is also available in: English (English)

სოფო მასწავლებელი ერთ შეხვედრაზე გავიცანი. როგორც ასეთ დროს ხდება, მისი აქტივობების შესახებ ვკითხე და პირველი პოზიტიური შოკი მაშინ მივიღე. ნამდვილად არ ვიფიქრებდი, თუ ჩხოროწყუში ამდენი კარგი საქმე ერთ სკოლაში უკვე მოხერხდა

ჩვენ უკვე ვწერდით აფხაზეთის მეათე სკოლის რამდენიმე ღონისძიების შესახებ. ფბ გვერდის მეშვეობით პირდაპირი ჩართვებიც გვქონდა. ახლა გადავწყვიტეთ ქალბატონ სოფო გოგოხიასადმი ცალკე ჩანაწერი მიგვეძღვნა და მომავალშიც პედაგოგებზე ისტორიების მოყოლას აუცილებლად გავაგრძელებთ.

სოფოს ინიციატივით სკოლაში ლიტერატურული სალონი და ჯგუფი “ჩხრეკანი” , კინოკლუბი “დუბლი”უკვე ფუნქციონირებს …. ეს ყველაფერი სკოლის დირექციის, სხვა პედაგოგების თანამონაწილეობით და დიდი ძალისხმევით მოხერხდა.