მთავარი გვერდი ბუნებრივი და კულტურული მემკვიდრეობაეკლესიები და მონასტრები ოჩხომურის წმინდა ბარბარეს ( მაცხოვრის აღდგომის) ეკლესია

ოჩხომურის წმინდა ბარბარეს ( მაცხოვრის აღდგომის) ეკლესია

მდინარეების ოჩხომურისა და ხობისწყლის შესართავთან მდებარე სოფელი ოჩხომური, რომელიც შედის ლესიჭინეს თემში, დიდი კულტურისა და მაღალი სულიერების მემკვიდრეა.

DSC04808

ამ უბანში არსებობს უძველესი ეკლესიის ნაშთი აგებული ქართული აგურით. ადგილობრივი მოსახლეობის გადმოცემით ტაძრის მიმდებარე სამხრეთ დასავლეთ ბორცვზე თავდაპირველად იყო ხის ეკლესია. შემდგომში კი აუგიათ ამჟამინდელი ტაძარი. ამ თარიღის შესახებ ისტორიული ცნობები არ შემონახულა.

13112973 587887421370910 6525729781346151641 o

ტაძარი გადაუკეთებიათ მე-19 საუკუნის 70-იან წლებში,რაზეც მეტყველებს 1876 წ. ქიტორული წარწერიანი ქვის ჯვრის ნაშთი (აზნაური-ხორავა)..ტაძრის მღვდელმსახური იყო დავით გიორგის ძე ხორავა, გარდაიცვალა 1892 წლის 4იანვარს და დასაფლავებულია ტაძრის შიგნით .წესი აუგო მღვდელმა გერმანე ცხაკაია.ეკლესიის შიგნით ასევე დასაფლავებულები არიან მღვდელი თეოდორე სოფრომის ძე თოდუა სოფელ თაიადან და მისი მეუღლე დესპინე ნაჭყებია… მე-20 საუკუნი 90-იან წლებში სოფლის მოსახლეობის თაოსნობით დასრულდა თითქმის ნანგრევებად ქცეული ტაძრის კედლების ამოყვანა და ტაძარი გადაიხურა.საეკლესიო მეტრიკულის ჩანაწერებით ტაძარი იწოდებოდა მაცხოვრის აღდგომის სახელობაზე.აღდგომის მომდევნო ორშაბათს(ბრწყინვალე ორშაბათს) ხორავების გვარი ყოველწლიურად ასრულებს ფუძის(ჯინჯი)ხატის ლოცვას.თუმცა არამარტო ადგილობრივი მოსახლეობა,არამედ საქართველოს სხვადასხვა კუთხეებიდან ჩამოდიოდნენ სალოცავად დეკემბრის 17 რიცხვში ანუ წმ.ბარბარობას და დღესაც ასეა…

1690329 858850890844343 2436257084702107062 n
დაცულია ისტორიულ მუზეუმში]

ოჩხომურის წმ.ბარბარეს ტაძრის ღვთისმსახურებმა,რომელთა უმეტესობა ხორავა იყო,შემოგვინახეს წმ.სანაწილე წმ.ნაწილით, მასზე არის მღვდელმთავრის ხატი,წარწერით “იოანე ოქროპირი”,”წმინდანი მღვდელმთავარნი მეოხ იყავით ამა ხატისა შემკობელსა გულქან დედოფალსა”.სანაწილე არის დაახლოებით ასანთის კოლოფის ზომის,წონით 29 გრამი,ბაჯაღლო ოქროსი.მას გარედან ხავერდის შალითა აქვს შემოკრული,შიგნით შავი ძვირფასი ქსოვილი ჩაფენილი,რომელზეც დაბრძანებულია წმ.ნაწილი.სანაწილეს გარეთ ჰქონდა,სავარაუდოდ 14 თვალის ბუდე.20 წლის წინათ,გააჩნდა ოთხი თვალი,ამჟამად აქვს ერთი თვალი(ძვირფასი ქვა).ეს სანაწილე ტაძრის მოძღვრის დავით ხორავას შთამომავლის დიაკონ პოლიკარტეს სახლში ინახებოდა.ამ ცოტა ხნის წინათ დიაკონ პოლიკარტეს შვილიშვილმა მზევინარ ხორავამ წმ.ნაწილი მიაბრაძანა საქართველოს საპატრიარქოში და დღეს იგი დაცულია უწმ. და უნეტ.ილია მეორესთან..

DSC04809

1998 წლის ბარბარობის დღესასწაულზე ტაძარში ჭყონდიდელი მიტროპოლიტის,მისი მაღალყოვლად უსამღვდელოესობის გიორგის ლოცვა-კურთხევით აღსდგა ღვთის მსახურება.75 წლის შუალედის შემდეგ მთელ ჩხოროწყუს რაიონში შესრულდა პირველი საღმრთო ლიტურგია.თანდათან ტაძარმა შემოიკრიბა მრევლი..ენკენია ეკლესიისა(განახლება) აღესრულა ბზობის დღესასწაულზე.ტაძარი ეკურთხა წმ.ბარბარეს სახელობაზე.მოგვიანებით აქ შესრულდა სასულიერო პირის კურთხევაც…

წყარო http://khorava.ge/

პროექტი “ჩხოროწყუს კულტურული მემკვიდრეობა” მიმდინარეობს ჩხოროწყუს მერიის კულტურის სამსახურის ინიციატივით

ინფორმაცია გაზიარებულია ბატონ ბეჟან ხორავასთან შეთანხმებით

You may also like

Leave a Reply

Odabade.Ge

ჩხოროწყუს ციფრული არქივი

ჩხოროწყუს ციფრული არქივი

 პროექტი "ჩხოროწყუს ციფრული არქივი"    ააიპ "საქართველოს რეგიონების სივრცის" და ჩხოროწყუს მუნიციპალიტეტის  კულტურის სამსახურის ერთობლივი ინიციატივაა

სამოქალაქო სივრცე

ერთად შევქმნათ სამოქალაქო სივრცე

ერთად შევქმნათ სამოქალაქო სივრცე

  ააიპ "საქართველოს რეგიონების სივრცე"  ღიაა ყველა დაინტერესებული ადამიანისთვის.   

ჩხოროწყუს ელექტრონული ქსელი

ჩხოროწყუს  ელექტრონული ქსელი

ჩხოროწყუს ელექტრონული ქსელი

ჩვენ  ვქმნით  ჩხოროწყუს ელექტრონულ ქსელს, რომელიც  მოიცავს  ინფორმაციათა ფართო ქსელს ჩხოროწყუს  და  საქართველოს რეგიონების შესახებ