This post is also available in: Georgian (Georgian)
ნაზოდელავო გულისხმობს ზოდელავების ნასახლარს. მღვიმე გადმოცემების მიხედვით შუა საკუნეებში თავდაცვის საშუალებად გამოიყენებოდა.
შეტანილია დაცული ტერიტორიების სააგენტოს ნუსხაში, მინიჭებული აქვს ბუნების ძეგლის სტატუსი. ნაზოდელავოს მღვიმე სოფელ ახუთს განეკუთვნება. მდებარეობს მდ. ზანას ხეობაში, 290 მეტრი ზღვის დონიდან. სოფელ ახუთის ცენტრიდან 6.8 კმ-ია
ბუნების ძეგლი საქართველოში თავისი პარამეტრებით ერთ-ერთი გამორჩეული, მეოტურ კონგლომერატებში გამომუშავებული უდიდესი კლასტოკარსტული და ფსედოკარსტული 600 მ სიგრძის მღვიმეა.
მღვიმე იხსნება შესასვლელი დარბაზით, რომელიც წარმოადგენს სუბჰორიზონტული განტოტვილი ტალანის (გვირაბის) ბოლო ნაწილს. მთავარი ტალანის ფსკერში ჩაჭრილი ეროზიული კანიონით მოზრდილი ცივი მიწისქვეშა მდინარე გაედინება. კანიონის სიღრმე ზოგან 7-8 მეტრს აღწევს. მთავარ ტალანს გამოეყოფა ორი შტო, რომლებიც მასთან შედარებით უფრო ვიწრო და მოკლეა. ერთ-ერთი ტალანი გამჭოლია და ზემო ბოლოთი სამზეოზე გადის. მღვიმესა და მის მიმდებარე ტერიტორიაზე ზაფხულობით გვხვდება ხელფრთიანები. წყარო
გამოყენებულია რომან თოლორდავას ფოტოგრაფიები. თუ მოგეპოვებათ სხვა საინტერესო სურათები და ინფორმაცია დაგვიკავშირდით ჩვენ გვერდზე
