„მელო“ – ასე იცნობს მთელი ჩხოროწყუ ერთ წესიერ კაცს, რომელიც ადგილობრივ გიმნაზიაში ისტორიას წლებია ასწავლის.
პედაგოგი სწავლების დროს ინოვაციური მეთოდების აქტიური დანერგვითაა ცნობილი. ერთი უცნაური დეტალი: ბავშვებიც ხშირად „მელო“-თი მიმართავენ. ეს ის გამონაკლისია, როდესაც ფამილარობის ზღვარი არ ირღვევა. უბრალოდ პროფესიონალი კომუნიკაციის ბუნებრივი უნარითაა დაჯილდოებული და მისი გაკვეთილი მოსწავლეებისთვის ყოველთვის საინტერესოა.
ზუსტად ამ მომენტიდან გამომდინარე, ბავშვები მის საზოგადოებრივ ინიციატივებს დიდი ენთუზიაზმით თანხმდებიან. იქნება ეს ინტელექტკლუბი. სამოქალაქო კლუბი, ეკოკლუბი( ტურისტულად სტრატეგიული ობიექტისა და პარკების დასუფთავების პროცესი)
მასწავლებლის გარშემო რეგიონის სხვა სკოლების მოსწავლეებსაც ადვილად შეამჩნევთ. ისინი „მელოს“ კარგად იცნობენ და მასთან ხშირად რჩევითაც მიდიან.
