2016 წელს ზუგდიდის არტ-გალერეას მაცი ხორავას სახელი დაერქვა. თანამედროვე ქართული მხატვრობის უდიდესი წარმომადგენელი მიხეილ (მაცი) ხორავა 1950 წელს ოჩხომურის უბანში დაიბადა.
მაცი ხორავა (1950-2005)
1968–1974 წ.წ. სწავლობდა თბილისის სამხატვრო აკადემიაში.1975 წლიდან მუშაობდა ზუგდიდის ფაიფურის ქარხანაში მხატვრად. 1980 წელს გახდა საქართველოს მხატვართა კავშირის წევრი. 1997 წელს გაიმართა მისი პირველი პერსონალური გამოფენა ქალაქ ზუგდიდში, რასაც მოჰყვა მრავალი პერსონალური თუ ჯგუფური გამოფენები საქართველოს მასშტაბით და მის საზღვრებს გარეთ. მისი ნამუშევრები დაცულია პეტერბურგის, ვაშინგტონის, სტამბოლის, პარიზის , სალონიის, კელნის შტუდგარდტის კერძო კოლექციებში. მიხეილ(მაცი)ხორავა გარდაიცვალა 2005 წელს.
